Nestes albores do século XXI faise imprescindible que teñamos unha ubicación dixital para poder promocionar o noso municipio máis alén de calquera límite xeográfico, mellorar o servizo que o concello presta ós veciños ou facer unha eficaz publicidade das nosas convocatorias e actividades.

Agora o Concello do Valadouro responde a este reto e esixencia abrindo o seu espazo virtual na rede de redes, queremos que esta páxina sexa unha casa común de todos vos tanto para as xentes de aquí como para os visitantes que queiran coñecer este enclave mariñán cheo de fermosas paraxes, como a inigualable Serra do Xistral, espacio de Rede Natura e un dos ecosistemas máis intactos de Galicia, a espectacular e emocionante Rapa das Bestas, o noso abondoso patrimonio arqueolóxico e as súas pegadas nas pedras dun pasado mítico, as igrexas, capelas, cruceiros, as nosas citas gastronómicas, festas, folklore e a vivencia en definitiva dunha xente orgullosa do seu orixe e con vistas a un futuro de esperanza...

Esta web é tamén parte dese futuro que queremos compartir con vos, abertos as vosas ideas, aportancións e suxerencias para facer entre todos un sinal de identidade que a xente poida admirar.

Hoxe Valadouro está no mapa dixital que todo o mundo pode consultar, no enderezo www.valadouro.org está o teu concello, está O Valadouro. Benvidos e boa viaxe por estas terras.