Continuando polo mesmo carreiro, chegamos ata a ponte situada en A Rexedoira. Unha vez aquí tomáml-lo camiño hacia a dereita. A uns 300 metros, chegamos ó cruzamento dos montes de Gandelo. Neste punto,continuámo-lo noso percorrido polo primeiro carreiro situado á esquerda. Seguímolo, atravesando montes de eucaliptos e piñeiros. Tamén podemos atopar poboacións de mimosas, carballos e acivros.

Despois de percorrer aproximadamente un quilómetro e medio, debemos cruzar un camiño asfaltado, para continua-lo noso percorrido por un camiño que discorre entre carballos e castiñeiros ata chegar ó Rego de Valdeinfernos. A partir de aquí seguirémo-lo carreiro que discorre, río arriba, paralelo ó mesmo, ata chegar ó Pozo da Onza, onde se atopa unha fermosa fervenza.

O retorno realizarémolo polo mesmo carreiro, ata unha ponte de pedra situada en Amarela. Dende aquí, retomámo-lo carreiro asfaltado durante o primeiro quilómetro e, posteriormente, camiño de terra ata o cruzamento dos montes de Gandelo, que nos levará de novo ata a ponte de A Portela e, dende alí, ó inicio da rota.

A rota comeza na avenida da Veiga, ó final da cal atopamos o primeiro cruzamento que tomaremos á esquerda.

Seguindo esta estrada chegamos á parroquia de Sta. Cruz, dónde se atopa situado, á marxe esquerda, o Pazo de Gradaílle (s.XV). Un quilómetro despois, atópase o segundo cruzamento que tomaremos á dereita. É neste momento cando o desnivel comeza a facerse máis acusado.

Catro quilómetros máis arriba, en dúas curvas consecutivas, atópase un Via Crucis e, ó final do mesmo, a igrexa de Sto. Tomé (s.XIX). Dende o adro que a rodea pódese contemplar unha fermosa panorámica do Val.

O terceiro cruzamento está cerca, á esquerda e.dous quilómetros despois, o derradeiro cruzamento, que levará ó noso primeiro destino: o Curro. Este treito ten unha pendente bastante acusada.

Unha vez no Curro, a uns 25 metros á dereita, atópase o Dolmen. Esta zona constitúe un perfecto miradoiro, dende onde podemos observar todo o val e, se o día está claro, o mar Cantábrico.

A un quilómetro do recinto do Curro, en dirección Oeste, sitúase o Prado das Chantas, curiosa construcción medieval destinada a gardar o gando, po lo que pode considerarse como un antecesor do actual Curro. En todo caso, non hai estudios que certifiquen esta orixe barállase a posibilidade de que fora un lugar de adoración celta.

Para os máis emprendedores está a opción de ascender ata os montes de Penido Novo e Penido Vello, de 800 e 771 metros de altitude respectivamente.